GCQ iiral sa Tuguegarao City simula ngayong araw
Sasailalim sa General Community Quarantine ang Tuguegarao City simula ngayong araw ng Huwebes, February 4.
Ito ay kasunod ng pagpapatupad ng Enhanced Community Quarantine (ECQ) sa lungsod ng mahigit 2 linggo.
Inapubrahan ng Regional Inter-Agency Taskforce ang hiling ni Tuguegarao City Mayor Jefferson Soriano na ipatupad ang GCQ mula alas 12:01 ng madaling araw kanina hanggang February 10, 2021.
Ang pagpapalit ng quarantine status ay upang bigyang-daan ang ibang mga sektor na maaring mag-operate sa lungsod.
Sa kabila nito, tiniyak ng pamahalaang lungsod na strikto pa rin ang pag-momonitor sa implementasyon ng minimum health standards at ng mga panuntunan.
Pinapayagan na rin sa ilalim ng GCQ ang pamamasada ng pampublikong tricycle ngunit kailangan sundin ang Tricycle’s Color Coding and Ending Plate Number scheme na ipapatupad ng lungsod.
