FDA nakatanggap na ng 11 aplikasyon para sa special certification ng Self-Administered COVID-19 Antigen Test Kits
Nakatanggap na ng labingisang aplikasyon ang Food and Drug Administration (FDA) mula sa mga kumpanyang nais makakuha ng special certification para makapag-suplay ng Self-Administered COVID-19 Antigen Test Kits.
Ayon sa FDA, ang lahat ng aplikasyon na natanggap ay isinailalim sa pag-aaral at ipinadala sa Research Institute for Tropical Medicine para sa performance validation.
Ang mga aplikasyon ay nai-forward sa RITM sa pagitan ng January 9 hanggang January 14.
Una nang sinabi ng Department of Health (DOH) na agad aaralin ang mga aplikasyon para magkaroon na ng available na at-home Antigen Test Kits at mas maging madali sa publiko ang access nito. (DDC)
