Face-to-face classes sa Metro Manila suspendido muna

Suspendido ang lahat ng ipinatutupad na limited face-to-face classes sa Metro Manila simula bukas, January 3.

Ito ang napagkasunduan sa pulong ng Department of Education (DepEd) kasama ang Metro Manila Mayors.

Ayon kay MMDA Chairman Benjur Abalos, dahil sa muling pag-iral ng mas istriktong Alert Level 3 sa Metro Manila, wala munang isasagawang face-to-face classes hanggang sa January 15.

Kaugnay nito ay umapela ang Metro Manila Mayors at ang DepEd sa mga magulang na tiyaking mananatili lamang muna sa kanilang mga bahay ang mga bata.

Ito ay dahil sa muli namang tumataas na kaso ng COVID-19. (DDC)