EO na nagtataas ng bilang ng pwedeng pumasok sa mga simbahan sa nilagdaan ni Mayor Isko Moreno

Ganap nang nilagdaan ni Manila Mayor Isko Moreno ang Executive Order na nagtataas sa bilang ng mga pwedeng makadalo sa Religious Rites sa Maynila.

Sa ilalim ng Executive Order No. 41 itinataas sa 30 percent mula sa dating 10 percent ang dami ng mga makadadalo sa mga pagsimba sa lungsod.

Nilinaw sa EO na ang layon sa pagtataas ng kapasidad ay maisulong hindi lamang ang “social and economic well-being“ ng kanyang mga nasasakupan kundi maging ang kanilang “spiritual well-being.”

Paliwanag ni Moreno, kailangang tugunan ang spiritual needs ng mga residente.

Sa ilalim ng executive order ang mga eadad 18 hanggang 65 ang pinapayagang makadalo sa mga religious gatherings.

Ang mga mas mababa sa edad 18 at mas mataas sa 65 ay kailangang manatili sa tahanan.