ECQ sa Tuguegarao City epektibo na
Epektibo na simula alas 12:01 ng madaling ngayong Miyerkules (Jan. 20) ang pagsasailaim muli sa enhanced community quarantine (ECQ) sa Tuguegarao City.
Tatagal ang ECQ hanggang sa hatinggabi ng Jan. 29, 2021.
Sa ilalim ng pag-iral ng ECQ, mahigpit na ipatutupad ang home quarantine.
Limitado lamang ang paglabas ng bahay kung bibili ng essential goods.
Lahat ng nasa below 18 ang edad at higit 65 ang edad, at ang may mga immunodeficiency, comorbidity, buntis at iba pang health risks, ay bawal lumabas ng bahay.
Mananatili namang bukas ang mga ospital, frontline services, security agencies, industriya ng agrikultura, forestry, fishery, delivery at courier services at iba pa.
Habang ang ibang kumpanya ay papayagang magbukas ng 50 percent capacity at ang iba ay 20 percent capacity. (D. Cargullo)
