Drug den sa Mabalacat, Pampanga nabuwag ng PDEA at PNP; 5 ang arestado
Sinalakay ng mga otoridad ang isang drug den sa Mabalacat City, Pampanga.
Ikinasa ng pinagsanib na pwersa ng Philippine Drug Enforcement Agency – Region 3 at Mabalacat Police Station ang isang bahay sa Riverside 5th St., PH-1 MRC, sa Brgy. Dapdap.
Naaresto sa operasyon ang limang suspek na kinilalang sina:
– Marissa Manaois, 44 anyos
– Ronald Padilla, 23 anyos
– Robin Manaois, 21 anyos
– Jo Anthony Gueco, 36 anyos
– Roxane Manaois, 18 anyos
Lahat sila ay pawang residente sa nabanggit na barangay.
Nakumpiska sa limang suspek ang 9 na sachet ng hinihinalang shabu na tinatayang aabot sa P102,000 ang halaga.
Mahaharap ang lima sa kasong paglabag sa Sections 5, 6, 7, 11, 12, 15 ng Art II, RA 9165.
