Draymond Green pinagmulta ng NBA ng $50K
Inatasan ng pamunuan ng NBA si Golden State Warriors forward Draymond Green na magbayad ng $50,000 multa dahil sa paglabag sa anti-tampering rule ng liga.
Kasunod ito ng komento ni Green tungkol kay Phoenix Suns guard Devin Booker habang umaakto siyang sports analyst sa broadcast ng TNT.
Sa nasabing insidente pinuri ni Green ang pamamaraan ng paglalaro ni Booker at inihayag ang paghanga dito.
Matapos ito ay nagkomento si Green na dapat ay alisin sa Phoenix si Booker upang magamit nito ang galing niya sa basketball.
Ang 23-anyos na si Booker ay mayroong kontrata sa Suns para sa 2023-24 season.
Follow us on Twitter: https://twitter.com/NewsFlashPH
Like us on Facebook https://www.facebook.com/newsflashwebsite/
