DOH naalarma at nagulat sa pagpatay sa NCMH medical chief

Ikinagulat ng Department of Health (DOH) ang nangyaring pagpatay kay National Center for Mental Health Medical Chief Dr. Roland L. Cortez at kaniyang driver sa Quezon City.

Si Cortez, at driver niyang si Ernesto Dela Cruz ay tinambangan sa bahagi ng Tandang Sora, Lunes, July 27 ng umaga.

Sa pahayag, nagpaabot ng pakikiramay ang DOH sa mga naulila ni Cortez at Dela Cruz.

Tiniyak din ng DOH na isusulon ang hustisya sa pagpaslang sa dalawa.

“The DOH family extends its deepest condolences to the families of Dr. Roland and Mr. Ernesto, and vows to pursue justice for their untimely deaths,” ayon sa DOH.

Sinabi sa pahayag na si Cortez ay isang “respected leader”.

Nakikipag-ugnayan na ang DOH sa mga otoridad at sa PNP-CIDU para masigurong matutukoy ang mga suspek at mapanagot ang mga ito.