DOH kinumpirmang isang Pinoy na residente sa Hong Kong ang nagpositibo sa UK variant ng COVID-19
Kinumpirma na ng Department of Health (DOH) na mayroong isang Pilipino na Hong Kong resident ang nagpositibo sa UK variant ng COVID-19.
Ayon kay Health Usec. Ma Rosario Vergeire, ang Pinoy ay isang babae at nagtatrabaho bilang domestic worker.
Una nang napaulat na ang Pinay ay 30-anyos na mula sa Cagayan Valley Region.
Ang pasyente ay umalis sa Pilipinas patungong Hong Kong noong December 22, 2020.
Bago umalis ay nagsumite naman siya ng negatibong resulta ng RT PCR test bilang bahagi ng requirements.
Gayunman, pagdating sa Hong Kong, siya ay sumailalim sa quarantine at muling sumalang sa RT-PCR testing noong Enero 2, 2021 at doon ay nagpositibo sa COVID-19 at maging sa UK variant.
