DILG Sec. Eduardo Año muling nagpositibo sa COVID-19
Nagpositibo muli sa COVID-19 si Department of the Interior and Local Government (DILG) Sec. Eduardo Año.
Sa pahayag sinabi ni Año na nagsimula siyang makaranas ng sintomas noong August 13, 2020 kabilang ang sore throat at pananakit ng katawan.
Nagpasailalim siya sa test noong August 14 at kagabi, August 15 lumabas ang resulta na positibo siya ulit sa sakit.
Sinabi ni Año na naka-isolate siya ngayon at masusing binabantayan ng mga duktor ang kaniyang kondisyon.
Nanawagan si Año sa mga nakasalamuha niya nitong nagdaang mga araw na sumailalim sa self-quarantine at bantayan ang kanilang sarili.
“I also make this announcement to emphasize the severity of the virus, and to encourage everyone to wear a mask, wash their hands frequently, and practice social distancing. By adhering to these guidelines, we can all help keep our loved ones and our community safe,” ayon kay Año.
