DFA Aseana at Consular Offices sa NCR Plus sarado mula March 29 hanggang March 31

Isasara muna sa publiko ang DFA Aseana at ang mga consular office nito sa NCR Plus.

Kasunod ito ng pagsasailalim sa Enhanced Community Quarantine sa NCR, Bulacan, Cavite, Laguna, at Rizal.

Ayon sa abiso ng Department of Foreign Affairs, simula sa March 29 hanggang March 31 ay sarado ang ASEANA Business Park sa Parañaque City at Consular Offices sa Metro Manila, Antipolo, Dasmarinas, San Pablo, at Malolos.

Para sa mayroong mga appointment ng March 29, sila ay ia-accommodate mula April 5 hanggang 8.

Ang mayroong mga appointment ng March 30 ay ia-accommodate mula April 12 hanggang 16.

At kung ang appointment naman ay March 31, sila ay ia-accommodate mula April 19 hanggang 23.

Padadalhan ng e-mail ang mga apektadong aplikante para sa kanilang bagong appointment schedule.

Kailangang i-print ang bagong ipapadalang email, application form, at e-receipt.