Dating Comelec Chairman Sixto Brillantes Jr., pumanaw matapos magpositibo sa COVID-19

Sumakabilang buhay na si dating Commission on Elections (Comelec) Chairman Sixto Brillantes.

Ang pagpanaw ni Brillantes ay kinumpirma ni Comelec spokesperson James Jimenez.

Si Brillantes ay pumanaw ngayong umaga ng Martes (August 11).

Si Brillantes ay nakaranas ng lagnat noong July 16. Kaya July 18 nang dinala siya sa ospital.

Noong July 25 nag-pa post sa kaniyang Facebook ang anak ni Brillantes na si Zeena Brillantes na “day 11” na ng pagkakaroon ng COVID-19 ng kaniyang ama.

Iyon naman ang unang araw na kinailangang i-intubate ang dating Comelec chairman.

Humingi ng dasal si Zeena para sa kaniyang ama.

Magdiriwang sana si Brillantes ng kanyang kaarawan sa darating na August 14.

Siya ay namuno sa COMELEC noong January 2011 hanggang February 2015.

Follow us on Twitter: https://twitter.com/NewsFlashPH
Like us on Facebook: https://www.facebook.com/newsflashwebsite