Dalawang truck na puno ng 1,000 sako ng bigas galing Manila LGU patungo na ng Bicol

Patungo na sa Bicol Region ang dalawang truck na naglalaman ng tulong mula sa Manila City Local Government Unit para sa mga nasalanta ng Super Typhoon Rolly.

Ayon sa Manila Public Information Office, lulan ng dalawang truck ang isang libong sako ng bigas.

Nagsimula na itong bumiyahe at inaaasahang makararating sa Albay mamayang hapon.

Ang naturang ayuda ay ipinangako ni Manila Mayor Isko Moreno matapos niyang makausap si Albay Governor Al Bichara noong nakaraang Linggo ng gabi.