Dalawang mangingisda nailigtas ng Coast Guard sa Sarangani

Nailigtas ng mga tauhan ng Philippine Coast Guard ang dalawang mangingisda sa karagatang sakop ng Maasim, Sarangani Province.

Ang mga mangingisdang sina Jun Jun Turno at Jorge Turno na kapwa residente ng Barangay Kablacan sa Maasim ay lumangoy patungo sa naka-angkla 350 hanggang 360 meters ang layo mula sa pampang.

Ito ay para dalhin sa mas ligtas na lugar ang bangka dahil sa lakas ng alon.

Gayunman, bumaligtad ang bangka habang lulan ang dalawa.

Agad namang naiparating ang insidente sa PCG Sub-Station Maasim at nailigtas ang dalawang mangingisda.

Kapwa maayos naman ang kondisyon ng mga ito.

Patuloy ang paalala ng Coast Guard sa mga mangingisda na huwag pumalaot kapag masama ang panahon. (DDC)