Dagdag sahod sa mga manggagawa sa MIMAROPA epektibo sa Dec. 7
Tataas ang sweldo ng mga manggagawa sa MIMAROPA.
Ayon sa National Wages and Productivity Commission (NWPC), tataas ng P40 ang minimum na sahod ng mga manggagawa sa rehiyon simula sa Dec. 7.
Dahil dito mula sa kasalukuyang minimum na P355 na sahod sa mga establisyimento na mayroong 10 o higit pang empleyado, ito ay magiging P395 na.
P369 naman ang bagong minimum wage kung ang kumpanya ay mayroon lamang 10 pababang empleyado.
Tataas din ang sweldo ng mga domestic worker sa rehiyon, mula sa kasalukuyang P4,500 ay magiging P5,500 na kada buwan. (DDC)
