Cruise ship ban sa Canada pinalawig hanggang Feb. 2022
Pinalawig pa ng pamahalaan ng Canada ang ban sa pagpasok ng cruise ships sa kanilang nasasakupan hanggang sa February 2022.
Bunsod pa rin ito ng banta ng COVID-19.
Ayon kay Canadian Transport Minister Omar Alghabra, sakop ng ban ang mga barkong may lulan na 100 katao o higit pa.
Unang itinakda ang ban noong April 2020 dahil sa COVID-19 pandemic.
Nagdulot na ito ng matinding epekto sa mga pantalan ng Canada sa Vancouver, Quebec at Montreal.
Ayon kay Alghabra, layon ng pagpapalawig ng ban na maprotektahan ang kanilang mga mamamayan laban sa sakit.
