Credit card ni Sen. Sherwin Gatchalian na-hack; nag-order ng P1M na halaga ng pagkain sa Food Panda
Na-hack ang credit card ni Senator Sherwin Gatchalian.
Sa post sa kaniyang Twitter, sinabi ng senador na ginamit ang credit card niya para mag-order ng P1 milyon halaga ng pagkain sa Food Panda sa loob lang ng isang oras.
Batay sa history ng transactions, apat na beses nag-order sa Food Panda gamit ang credit card ng senador.
Ginawa ang transaksyon sa pagitan ng alas 4:47 ng hapon hanggang alas 5:49 ng hapon ng January 5.
“My credit card has just been hacked! May nag order ng P1M worth of food sa Food Panda in less than an hour. Ano yan lauriat para sa buong barangay,” nakasaad sa tweet ng senador.
