COVID-19 vaccine plan sa Caloocan ikinakasa na ng lokal na pamahalaan

Nagpatawag na ng pulong si Caloocan City Mayor Oscar Malapitan sa lahat ng pinuno ng mga departamento at opisina ng pamahalaang lungsod para ikasa ang COVID-19 vaccine plan.

Tinalakay sa pulong ang paglalaan ng budget at proseso sa pagkuha ng bakuna kontra COVID-19.

Nauna nang tiniyak ni Mayor Oca sa mga mamamayan ng Caloocan na ang bawat isa ay mabibigyan ng libreng bakuna laban sa sakit.

Kabilang din sa tatalakayin sa pulong ay ang update sa pamamahagi ng Social Amerioration Program (SAP).

Gayundin ang iba pang kasalukuyan at mga nakahandang proyekto ng Pamahalaang Lungsod para sa taong 2021. (D. Cargullo)