COVID-19 cases sa Central Visayas halos 16,000 na

Umabot na sa halos 16,000 ang kaso ng COVID-19 sa Central Visayas.

Ayon sa datos ng DOH Central Visayas for Health Development, nakapagtala ng 271 na dagdag na kaso kahapon kaya umabot na sa 15,934 ang total confirmed cases ng COVID-19 sa rehiyon.

Sa nasabing bilang, 7,088 ang aktibong kaso habang umabot naman na sa 8,057 ang total recoveries.

Sa magdamag ay nakapagtala ng 444 na dagdag sa bilang ng mga gumaling.

Umabot naman na sa 781 ang bilang ng mga nasawi sa Central Visayas dahil sa COVID-19.

Sa Cebu City umabot na sa 8,898 ang total confirmed cases.

Narito naman ang bilang ng kaso ng COVID-19 sa iba pang mga lugar sa rehiyon:

Mandaue City – 1,898
Lapu-Lapu City – 1,764
Cebu – 1,675
* Talisay City – 747
* Minglanilla – 385
* Consolacion – 378
Negros Oriental – 102
Bohol – 87
Siquijor – 0