COVID-19 cases sa bansa 365,799 na
Umabot na sa 365,799 ang kabuuang bilang ng kumpirmadong kaso ng COVID-19 sa bansa.
Sa latest case bulletin na inilabas ng Departmentt of Health (DOH) alas 4:00 ng hapon ngayong Biyernes, Oct. 23, nakapagtala ng dagdag na 1,923 na mga bagong kaso.
Ayon sa DOH, nakapagtala din ng dagdag na 424 na gumaling.
Dahil dito, umabot na sa 312,691 ang otal number of recoveries sa bansa.
46,193 naman ang aktibong kaso.
May naitala ding dagdag na 132 pang nasawi sa sakit.
Ayon sa DOH, ang kabuuang bilang ng mga nasawi sa bansa dahil sa COVID-19 ay 6,915 na.
