COVID-19 cases sa bansa 322,497 na; mahigit 18,000 na recoveries iniulat ng DOH
Umabot na 322,497 ang kabuuang bilang ng kaso ng COVID-19 na naitala sa bansa.
Ayon sa case bulletin na inilabas ng Department of Health (DOH), nakapagtala pa ng 3,190 na bagong kaso ng sakit.
Muli ring nag-ulat ng mataas na bilang ng recoveries ang DOH na umabot sa 18,065 bilang bahagi ng kanilang Oplan Recovery.
Dahil dito, umabot na sa 273,079 ang total number of recoveries sa bansa.
43,642 naman ang bilang ng mga aktibong kaso.
Samantala, may naiulat ding dagdag na 100 na nasawi sa sakit.
Ayon sa DOH, 5,776 na ang bilang ng mga nasawi sa bansa dahil sa COVID-19. (END)
