COVID-19 beds sa Gat Andres Bonifacio Medical Center nasa full capacity na
Puno na ang mga kama na itinalaga para sa COVID-19 patients sa Gat Andres Bonifacio Medical Center.
Ayon sa abiso ng ospital, sa kasalukuyan, ang COVID ward at Isolation rooms ng ospital ay nasa 124.44% operating capacity na.
Kabilang na dito ang iba pang mga COVID suspects at probable na kasalukuyan pang naghihintay ng resulta ng kanilang mga RT-PCR.
Dahil dito ay pansamantalang lilimitahan ang pagtanggap ng mga pasyenteng positibo sa COVID habang tinutugunan ang pangangailangang medikal ng nga COVID patients na kasalukuyang nasa pangangalaga ng pagamutan.
Mananatiling bukas ang Emergency Room upang tugunan ang mga pasyenteng may agarang pangangailangang medikal.
