Consular Offices ng DFA sa NCR, Bulacan, Cavite, Laguna, at Rizal mananatiling sarado
Sarado pa din sa publiko ang consular offices ng Department of Foreign Affairs (DFA) sa mga lugar na nasa ilalim pa rin ng Enhanced Community Quarantine (ECQ).
Kasunod ito ng pagpapalawig ng ECQ hanggang April 11, 2021 sa National Capital Region at sa mga lalawigan ng Bulacan, Cavite, Rizal at Laguna.
Kabilang sa mga sarado sa publiko ang Consular Offices ng DFA sa Metro Manila kasama ang Office of Consular Affairs sa Aseana, Parañaque City, ang CO sa Antipolo, Dasmariñas, Malolos at San Pablo.
Ang mga aplikante na naapektuhan ng pagsasara mula March 29 hanggang April 9 ay ia-accommodate sa sandaling bawiin na ang ECQ.
Padadalhan ng emails ang mga passport at authentication applicants para sa kanilang bagong appointment schedule.
