Compassionate use ng ivermectin pinayagan ng FDA sa isa pang ospital sa bansa
Isa pa ng ospital sa bansa ang napagkalooban ng “compassionate special permit” para sa paggamit ng ivermectin bilang panggamot sa COVID-19.
Ayon kay Food and Drug Administration Director General Eric Domingo, sa ngayon ay dalawag ospital na ang nabigyan ng CSP.
Hindi naman tinukoy ni Domingo kung ano ang dalawang ospital na binigyan ng CSP.
Aniya, kailangan muna niyang humingi ng permiso sa dalawang ospital kung pwede itongng ilahad sa publiko.
Unang nang inanusnyo ni Domingo noong nakaraang linggo na isang ospital ang nabigyan ng CSP para magamit ang ivermectin sa kanilang mga pasyente na mayroong COVID-19.
