Comelec-Organized Debates iniurong sa susunod na buwan
Iuurong ng Comelec ang mga debate ng 2022 national candidates sa unang linggo ng Marso.
Ayon kay Comelec Director Elaiza David, hiniling na nilang aprubahan ng en banc ang guidelines para sa mga ikinakasang debate.
Orihinal na itinakda ang Comelec-organized debates ngayong Pebrero subalit maaantala ito dahil nagpapatuloy pa ang mga paghahanda.
Sa gitna ng Covid-19 pandemic, magsasagawa ang poll body ng “hybrid” debate kung saan ang mga kandidato ay dadalo in-person pero ang mga audience ay virtual.
Ayon sa Comelec, magkakaroon ng tatlong presidential debates at tatlong vice-presidential debates.
Samantala, inihayag ni David na ngayong araw ay magsisimula na ang e-rallies, na umpisa rin ng campaign period para sa national positions.
Sinabi ni David na mapapanood ang e-rallies sa pamamagitan ng campaign safe Comelec e-rally channel sa social media platform na Facebook. (Infinite Radio Calbayog)
