Cold storage facility sa Laguna kayang paglagyan ng 5 million doses ng bakuna
Binisita nina Department of Health Secretary Francisco T. Duque III at Vaccine Czar Carlito Galvez Jr. ang cold storage facility sa Biñan, Laguna.
Ang Cold Storage Management and Logistics warehouse ay pag-aari ng kumpanyang UNILAB.
Kayang makapaglagay ng limang milyong doses ng bakuna sa naturang storage facility.
Kaya din nitong makamit ang temperature requirement na +2 hanggang +8C.
Layon ng inspeksyon na tiyakin ang kahandaan ng pasilidad sa pagdating sa Pilipinas ng COVID-19 vaccine.
Una nang sinabi ng pamahalaan na ang unang batch ng COVID-19 vaccines ay darating sa buwan ng Pebrero. (D. Cargullo)
