Coast Guard BARMM pinaghahandaan na ang pagdagsa ng mga turista dahil sa papalapit na Christmas break
Sumailalim sa Water and Search and Rescue Training ang nasa humigit-kumulang 50 miyembro ng Philippine Coast Guard (PCG) District BARMM bilang paghahanda sa kanilang deployment.
Kasunod ito ng inaasahang pagdagsa ng mga residente at turista sa mga ‘beach resorts’ dahil sa papalapit na Christmas break.
Sa nasabing pagsasanay tinutukan ang pagsasagawa ng basic life support at rubber boat operation and maintenance.
Katuwang ng lokal na pamahalaan at Department of Tourism (DOT) ang PCG para muling pagpapalakas ng lokal na turismo.
Ito ay sa pagsisiguro ng kapakanan at kaligtasan ng mga residente at turista sa kanilang pagbabakasyon. (DDC)
