City wide curfew muling ipatutupad sa San Juan

Muling ipatutupad ang city wide curfew sa San Juan.

Sa bisa ng Executive Order No. 072 ni San Juan City Mayor Francis Zamora, ibinabalik ang City Wide Curfew mula alas 10:00 ng gabi hanggang alas 5:00 ng umaga simula gabi ng Martes, March 9, 2021.

Bunsod ito ng pagtaas ng mga kaso ng COVID-19 sa NCR.

Exempted naman sa curfew ang mga sumusunod:

– Health workers at frontline personnel
– Naka-duty na pulis, military personnel at iba pang law enforcers
– Mga kawani ng Lokal ng Pamahalaan na kasalukuyang naghahatid-serbisyo
– Mga galing sa duty na kawani ng pamahalaan at mga pribadong kumpanya na makapagpapakita ng katunayan ng kanilang oras ng duty
– Mga driver ng mga pampasaherong sasakyan na pinapayagan nang pumasada ayon sa DOTr at LTFRB
– Delivery services ng mga pangunahing pangangailangan
– Mga indbidwal na may kinakaharap na emergency
– Mga kawani ng pamahalaan na may ginagampanang gawaing otorisado ng punong lungsod