Centenarian sa Mandaluyong tumanggap ng P100,000
Isang lola ang tumanggap na ng kaniyang benepisyo sa Mandaluyong City matapos umabot sa edad na 100.
Ayon kay Mandaluyong City Mayor Menchie Abalos, ang bagong centenarian ay si Lola Virginia V. Remo mula sa Barangay San Jose na ipinanganak noong June 3, 1921.
Maliban sa tseke na P100,000 ang halaga ay pinagkalooban din ng plaque ang lola.
Ikinuwento din ni Mayor Abalos na sa edad ni Lola Virginia ay nagpasya itong kusang magpabakuna kontra COVID-19.
