Cardinal Jose Advincula itinalaga ng Santo Papa bilang bagong Manila Archbishop

Itinalaga ni Pope Francis si Cardinal Jose Advincula ng Capiz bilang bagong archbishop ng Manila ayon sa ulat ng CBCP News.

Isinapubliko ang appointment kay Advincula alas 12:00 ng tanghali sa Rome, alas 7:00 namang gabi oras sa Pilipinas ngayon Huwebes, March 25.

Papalitan ni Advincula si Cardinal Luis Antonio Tagle, na naninilbihan na bilang Prefect of the Congregation for the Evangelization of Peoples sa Vatican.

Simula nang umalis si Tagle patungong Roma noong Feb. 2020 ay walang naging arsobispo sa Manila archdiocese.

Nagpaabot naman ng pagbati ang Catholic Bishops’ Conference of the Philippines kay Advincula.