Caloocan Mayor Oscar Malapitan, unang magpapabakuna kontra COVID-19
Tiniyak ni Caloocan Mayor Oscar Malapitan na siya at si Congressman Along Malapitan ang unang magpapabakuna kontra COVID-19.
Ito ay para mawala ang takot ng ilang mga taga-Caloocan sa bakuna at maipakitang ligtas gamitin ang mga ito.
Sinabi din ng alkalde na handa silang isapubliko ang pagbabakuna.
Ang Caloocan kabilang ang iba pang maraming lokal na pamahalaan ay nag-advance order na ng mga bakuna kontra COVID-19 para libreng maiturok sa kanilang mga mamamayan.
