Calbayognon wagi ng mahigit P49M na jackpot sa lotto
Isang mananaya ng Lotto mula sa Calbayog City ang masuwerteng tumama sa jackpot ng Ultra lotto 6/58 draw na isinagawa araw ng Martes, ika-22 ng Hunyo.
Ang mga kombinasyon na tinamaan sa bola na isinagawa Martes ng gabi ay ang mga sumusunod: 05-38-09-20-24-17
Solo na napanalunan ng masuwerteng mananaya ang jackpot prize na Php 49,500,000.00.
Samantala, labingdalawa naman ang nanalo ng tig-P120,000 matapos tamaan ang limang kombinasyon.
665 na mananaya naman ang tumama sa apat na kombinasyon at sila ay tatanggap ng tig-P2,000 at 11,412 na lotto bettor naman ang tatanggap ng tig-P100 matapos makakuha ng tatlong kombinasyon.
Hindi naman binanggit ng PCSO kung saang lotto outlet sa Calbayog City binili ang winning ticket. (Ricky Brozas)
