Buckingham Palace naglabas na ng reaksyon matapos ang panayam sa mag-asawang Harry at Meghan
Binasag na ng Buckingham Palace ang katahimikan ilang araw matapos magpaunlak kay Oprah Winfrey ang mag-asawang Harry at Meghan.
Ang pahayag ay mula sa Royal Communications at nakasaad na ito ay pahayag ng Buckingham Palace “on behalf of Her Majesty the Queen”.
Ayon sa pahayag, nakalulungkot malaman na sa nakalipas na ilang taon ay matinding pagsubok ang pinagdaanan nina Harry at Meghan.
Sinabi rin na ang mga isyu na binanggit ng mag-asawa lalo na ang usapin tungkol sa “race” ay nakababahala.
Sinabi ng Buckingham Palace na ito ay masusing inaaral at tinutugunan ng pamilya.
Nakasaad din sa pahayag na si Harry, Meghan at Archie ay patuloy na mamahalin at mananatiling miyembro ng pamilya.
