BTS itinanghal na “Group of the Year” at “Best K-Pop” sa Video Music Awards ng MTV.
Dalawang award ang nakuha ng K-Pop group na BTS sa ginanap na MTV Video Music Awards.
Ang BTS ang nagwagi ng Best K-Pop award at naiuwi din ang Group of the Year award.
Tinalo ng BTS sa “Group of the Year” category ang Blackpink, CNCO, Foo Fighters, Jonas Brothers, Maroon 5, Silk Sonic, at Twenty One Pilots.
Isinagawa ang seremonya sa Barclay Centre sa Brooklyn.
Ang English single ng BTS na “Butter” ang itinanghal na “Song of Summer”.
Hindi naman nakadalo sa VMA ang grupo pero mayroon silang video message na ibinahagi sa Twitter Account ng MTV.
Nagpasalamat sila sa nakuhang parangal. (DDC)
