BRP Gabriela Silang at BRP Malapascua nakarating na sa Surigao
Nakarating na sa Surigao Port ang BRP Gabriela Silang (OPV-8301) at BRP Malapascua (MRRV-4403) ngayong araw ng Biyernes February 26.
Pagkadaong sa pantalan, agad na ibinaba ng mga PCG personnel ang mga hygiene supplies na para sa humigit-kumulang 400 pamilya na lulan ng BRP Malapascua (MRRV-4403) mula pa sa Maynila.
Donasyon ito ng Department of Health (DOH) at bahagi ng tone-toneladang relief supplies.
Layon nitong masuportahan ang pagbangon ng mga pamilyang sinalanta ng Bagyong Auring noong nagdaang linggo.
