BREAKING: Unang shipment ng COVID-19 vaccines dumating na sa bansa
Dumating na sa bansa ang unang shipment ng COVID-19 vaccines na donasyon ng bansang China.
Lumapag sa Villamor Airbase sa Pasay City ang Chinese Aircraft pasado alas 4:00 ng hapon ng Linggo (Feb. 28) lulan ang 600,000 doses ng COVID-19 vaccine na gawa ng kumpanyang Sinovac.
Ang nasabing mga bakuna ay agad dadalhin sa mga ospital sa Metro Manila para maiturok sa mga frontliner.
Ang 100,000 doses ay para sa mga sundalo.
Bukas araw ng Lunes (March 1) nakatakda ring tumanggap ng nasabing bakuna sina vaccine czar Secretary Carlito Galvez Jr. at Health Sec. Francisco Duque III.
