BREAKING: Senator Juan Miguel Zubiri nagpositibo muli sa COVID-19
Muling nagpositibo sa COVID-19 si Senate Majority Leader Juan Miguel Zubiri.
Dahil sa resulta, hindi nagtungo ang senador sa Batasang Pambansa para sa State of the Nation Address ni Pangulong Rodrigo Duterte.
Si Zubiri ay nagpositibo na noon sa COVID-19 at naka-recover sa sakit noong Abril.
Ayon kay Zubiri, tatlong beses siyang nag-negatibo sa Rapid Test pero nagpositibo siya sa swab test.
Nagpasailalim sa swab test si Zubiri dahil requirement ito para sa mga dadalo sa SONA.
Base aniya sa paliwanag ng mga doktor, maaring na-detect ng swab test ang remnants ng virus cells sa kaniyang katawan.
Muling sasailalim sa quarantine ang senador sa kaniyang isolation room. (END)
