BREAKING NEWS: 14-anyos na babae patay sa COVID-19 sa Calbayog City
Nasawi ang 14-na taong gulang na babae mula sa Calbayog City, Western Samar dahil umano sa COVID-19.
Iyan ang kinumpirma ng Department of Health- Regional Office 8 kung saan sa Eastern Visayas Regional Medical Center sa Tacloban City umano nasawi ang biktima.
Ayon kay Calbayog City Mayor Ronald Aquino, na-trace na ang mga nakasalamuha ng biktima.
Gayunman, sinabi ng DOH-8 na kailangan din magpatupad ng contact tracing sa Tacloban City dahil sa dinala ang bangkay ng biktima sa ilang punerarya doon bagaman walang tumanggap sa labi nito.
Nabatid na walang travel history ang biktima.
Batay pa sa impormasyon mula sa isang guro sa San Policarpo National High School, grade-8 student umano ang pasyente at ibang sakit ang ininda nito nang ito ay dalhin sa pagamutan.
