BREAKING: Naitalang bagong kaso ng COVID-19 sa bansa umabot sa mahigit 7,000; 181 pa ang pumanaw

Nakapagtala ng mahigit 7,000 pang bagong kaso ng COVID-19 sa bansa.

Ayon sa datos ng Department of Health (DOH) araw ng Biyernes, June 4 ay 1,173,066 na ang kabuuang bilang ng kaso ng COVID-19 sa bansa.

Sa magdamag, umabot sa 7,450 ang dagdag na mga kaso.

Sa kabuuang bilang ng COVID-19 cases, 1,173,006 ang gumaling o katumbas ng 93.4 percent makaraang makapagtala pa ng dagdag na 2,382 na gumaling.

60,794 naman ang active cases o katumbas ng 4.8 percent.

21,537 na ang kabuuang death toll sa bansa o 1.72 percent makaraang makapagtala ng dagdag na 181 pang pumanaw.