BREAKING: Mahigit 6,600 na bagong kaso ng COVID-19 naitala ng DOH; bilang ng mga pumanaw mahigit 13,000 na

Umabot sa mahigit 6,600 ang nadagdag na bagong kaso ng COVID-19 sa bansa sa magdamag.

Sa inilabas na datos ng Department of Health (DOH) alas 4:00 ng hapon ngayong Miyerkules (March 24), umabot na sa 684,311 ang kabuuang bilang ng kaso ng COVID-19 sa bansa.

Sa magdamag, umabot sa 6,666 ang dagdag na mga kaso.

Sa kabuuang bilang ng COVID-19 cases, 579,518 ang gumaling o katumbas ng 84.7 percent makaraang makapagtala pa ng dagdag na 1,072 na gumaling.

91,754 naman ang active cases o katumbas ng 13.4 percent.

95.3 percent ng mga aktibong kaso ay mild lamang ang sintomas, 2.5 percent ang asyptomatic, 0.8 percet ang kritikal at 0.9 percent ang severe.

Habang nakapagtala pa ng dagdag na 47 pang pumanaw sa sakit.

13,039 ang kabuuang death toll sa bansa o 1.93 percent.