BREAKING: Lima pang bansa isinama ng pamahalaan sa umiiral na travel restrictions dahil sa UK variant ng COVID-19
Limang bansa pa ang nadagdag sa sakop ng pinaiiral na travel restrictions ng pamahalaan bilang pag-iingat sa UK variant ng COVID-19.
Ayon kay Presidential Spokesperson Harry Roque, kasama na travel restrictions ang mga bansang China, Pakistan, Jamaica, Luxembourg, at Oman.
Ang travel restriction sa limang mga abansa ay epektibo bukas, January 13, 2021 hanggang sa Biyernes, January 15, 2021.
Ang limang bansa ay karagdagan sa 28 nang mga bansang sakop ng travel restrictions.
Sa ilalim ng pinaiiral na travel restrictions ng pamahalaan ang mga dayuhang biyahero ay hindi papayagang pumasok sa bansa.
Ang mga Filipino naman ay hindi sakop ng ban subalit kailangan silang sumailalim sa istriktong 14 na araw na quarantine pagdating nila sa Pilipinas kahit negatibo ang kanilang RT PCR test. (D. Cargullo)
