BREAKING: DOH nakapagtala ng 889 na bagong kaso ng COVID-19

Nakapagtala ng 889 na bagong kaso ng COVID-19 sa bansa.

Ito na ang pinakamataas na bilang ng bagong kaso ng COVID-19 sa nakalipas na isang buwan.

Ayon sa datos ng Department of Health (DOH) araw ng Miyerkules, Dec. 29 ay 2,839,790 na ang kabuuang bilang ng kaso ng COVID-19 sa bansa.

Sa kabuuang bilang ng COVID-19 cases, 2,778,131 ang gumaling o katumbas ng 97.8 percent makaraang makapagtala pa ng dagdag na 214 na gumaling.

Muli namang sumampa sa 10,000 ang aktibong kaso ng COVID-19 na umabot na sa 10,418 o katumbas ng 0.4 percent.

Nasa 51,241 ang kabuuang death toll sa bansa o 1.80 percent makaraang makapagtala ng 28 pang pumanaw. (DDC)