BREAKING: Dalawa na ang patay sa ammonia leak sa Navotas
Isa pa ang natagpuang nasawi sa ammonia leak sa T.P. Marcelo Ice Plant sa Navotas City.
Ayon kay Vonne Villanueva Navotas City Disaster Risk Reduction Management Office (CDRRMO), isa pang empleyado ang natagpuang patay sa loob ng planta ngayong Huwebes (Feb. 4) ng umaga.
Kinilala itong si Joselino Hasareno, 54 anyos na natagpuan ng mga otoridad.
Una nang natagpuan kahapon ang katawan ng 44 anyos na si Gilbert Tiangco na manggagawa din sa planta.
Maliban sa dalawang nasawi ay mahigit 60 pa ang dinala sa ospital.
May mga inilikas ding residente upang hindi nila maamoy ang kemikal.
