Bilang ng mga tauhan ng coast guard na ng gumaling sa COVID-19, 870 na

Sumampa na sa 870 ang bilang ng mga tauhan ng Philippine Coast Guard (PCG) na gumaling sa sakit na COVID-19.

Ayon sa pinakahuling datos ng PCG, sa 997 na coast guard frontliners na nagpositibo sa sakit, 870 ang gumaling na at 127 na lang ang aktibong kaso.

Nananatili namang walang naitatalang pumanaw na mga tauhan ng coast guard dahil sa COVID-19.

Isa sa mga aktibong kaso ay nagpapagaling pa sa ospital.

Ayon sa coast guard ang mga tauhan nilang naapektuhan ng sakit ay agad nai-pull out sa mga istasyon kung saan sila naka-assign. (END)