Bilang ng mga nagpositibo sa COVID-19 sa Bontoc at La Trinidad umabot na sa 89

Umabot na sa 83 close contacts sa Bontoc, Mountain Province ang nagpositibo sa COVID-19 habang 6 naman ang nagpositibo rin sa La Trinidad, Benguet.

Sinabi ni Department of Health (DOH) Usec. Ma Rosario Vergeire, ang mga nagpositibo ay mula sa 410 na natuloy na close contacts sa Bontoc at 37 mula naman sa La Trinidad.

Kasama sa 83 nagpositibo sa COVID-19 sa Bontoc ang naunang 12 na positibo sa UK variant.

8 sa kanila ang isasailalim pa sa genome sequencing para malaman kung anong variant tumama sa kanila.

Habang sa 6 naman na nagpositibo sa La Trinidad ay dalawa ang idadaan pa sa genome sequencing.

Pinaliwanag ni Vergeire na hindi lahat ng nagpositibo ay maisasalang sa genome sequencing dahil depende pa ito sa dami ng sample na makukuha mula sa mga nagpositibong pasyente. (D. Cargullo)