BI nangangailangan ng 195 na bagong Immigration officers

Kukuha ng 195 na immigration officers ang Bureau of Immigration (BI).

Ayon kay BI Commissioner Jaime Morente, itatalaga ang mga ito sa iba’t ibang international airports at seaports sa bansa.

Sinabi ni Morente na binuksan na nila ang aplikasyon para sa Immigration Officer I items sa kanilang website.

Target ng BI na makapag-hire ng fresh graduates na nais simulan ang career sa public service.

May binuksan ding plantilla positions para sa isang Attorney 4, at isang Attorney 3 sa BI.

Ang mga immigration officers ay mayroong Salary Grade Level na 11.

Kinakailangang ang aplikante ay graduate ng four-year course at mayroong Career Service Professional Second Level Eligibility.

Sa sandaling mapili ay sasailalim sila sa pagsasanay sa ilalim ng Center for Training and Research (CTR) ng BI. (D. Cargullo)