Berjaya Hotel sa Makati pinatawan na ng suspensyon ng DOT
Sinuspinde ng Department of Tourism (DOT) ang akreditasyon ng Berjaya Makati Hotel makaraang hindi dumaan sa quarantine ang isang balikbayan na kalaunan ay nagpositibo sa COVID-19.
Magugunitang lumabas sa Berjaya ang returning overseas Filipino na si Gwyneth Chua at nakipag-party sa Makati kahit hindi pa tapos ang kaniyang quarantine.
Binawi na din ng DOT permit ng Berjaya dahil sa kabiguan nitong mapigilan ang paglabag sa quarantine rules ni Chua.
December 23, 2021 nang lumabas ng hotel si Chua para dumalo sa party sa Poblacion, Makati City.
Noong December 27 ay lumabas ang resulta ng kaniyang RT-PCR test kung saan positibo siya sa COVID-19. (DDC)
