Ben&Ben kinansela ang kanilang performance sa Dubai; ilang band members at bahagi ng team tinamaan ng COVID-19
Hindi na matutuloy ang performance ng Ben&Ben sa Dubai matapos magpositibo sa COVID-19 ang ilang miyembro ng banda at kanilang team.
Sa inilabas na pahayag ng grupo, nagpasya silang ipagpaliban ang kanilang performance sa Expo Dubai 2020 na nakatakda sana bukas, Jan. 27.
Ito ay para aniya sa ikabubuti ng nakararami.
Humingi ng pang-unawa ang Ben&Ben sa mga nag-aabang sa kaniang performance.
Ayon sa grupo muli na lamang silang mag-aanunsyo ng bagong petsa para sa concert. (DDC)
