Below 18 years old at higit 65 years old bawal pa ding lumabas sa MECQ areas
Sa ilalim ng pag-iral ng Modified Enhanced Community Quarantine o MECQ sa NCR Plus mananatiling bawal na lumabas ng bahay ang mga edad na mas mababa sa 18 at edad na mas mataas sa 65.
Sa virtual press briefing ni Presidential Spokesperson Harry Roque, required na manatili sa tahanan ang mga below 18 years old at above 65 years old sa mga lugar na nasa MECQ.
Kailangan ding manatili lamang sa kanilang mga bahay ang mga mayroong comorbidity, immunodeficiency, iba pang health risks at mga buntis.
Binibigyang kapangyarihan naman ang mga local government units na i-relax ang age restrictions
Sinabi ni Roque na pwedeng magpasya ang LGUs na ibaba sa 15 anyos ang age range ng mga papayagang lumabas depende sa COVID-19 situation sa kanilang lugar.
