Beerhouse sa Iloilo City ipinasara dahil sa paglabag sa health and safety protocols
Ipinag-utos ng pamahalaang lungsod ng Iloilo City ang pagpapasara sa isang beerhouse sa Brgy. Magsaysay.
Ayon sa Iloilo City LGU, binawi ang permit ng “Chillax Bar” dahil sa samu’t saring paglabag.
Patuloy kasing nag-operate ang nasabing beerhouse kahit ipinagbabawal pa ito sa ilalim ng umiiral na community quarantine status.
Lumabag din ang beerhouse sa anti-smoking ordinance, at sa social distancing, and face mask ordinance.
Ayon kay Iloilo City Mayor Jerry Treñas, nawa’y magsilbing babala ito sa lahat ng establisyimento sa lungsod.
